Home LAJME Këto janë sfidat që po e presin Kosovën pas rekomandimit pozitiv për...

Këto janë sfidat që po e presin Kosovën pas rekomandimit pozitiv për vizat

305
0
SHARE

Ministrja e Integrimeve Evropiane, Dhurata Hoxha, ka thënë sot se pas rekomandimit pozitiv të vizave për Kosovën, tani në procedurat në vazhdim Kosova mund të ketë sfida në Këshillin e Ministrave, kjo për shkak të debatit të fundit në BE për emigracionin

“Është një lajm i mirë që në pranuam lajmin e mirë që Kosova i ka përmbushur të gjitha kriteret për liberalizim të vizave. Ka qenë një lajm i qartë pa dykuptimësi, por kjo është vetëm hapi i parë. Hapi tjetër është në Komisionin për Politikat e qytetarëve, takim ky që do mbahet më 29 gusht. Pastaj aty jepet mandati negociues dhe fillon dialogu mes shteteve”, tha Hoxha.

Duke shpjeguar hapat në vazhdim për liberalizimin e vizave të Kosovës, Hoxha tha se mund të ketë pengesa në Këshillin e Ministrave të BE-së.

“I gjithë ky proces duhet të përmbyllet në mes traktatit të BE-së dhe Kosovës. E pranoj qe mund të kemi sfida në Këshillin e ministrave pasi që disa ministra janë më konzervativ, mirëpo ne jemi duke hartuar një plan veprimi së bashku me Qeverinë, pastaj me Kuvendin dhe me Komisionin, ku do të lobohet tek shtetet për të paraqitur të arriturat e Kosovës”, tha ajo në mbledhjen e sotme të Komisionin për Integrime

Ndërkohë në këtë mbledhje u miratuan me shumicë votash edhe shqyrtimi i Projektligjit për Inovacion Shkencor dhe Transfer të Dijes dhe Teknologjisë.

LEAVE A REPLY

Please enter your comment!
Please enter your name here