Home Sports Shaqiri iu përgjigjet vëllezërve Neville: S’kam çfarë dëshmoj ndaj njerëzve që s’i...

Shaqiri iu përgjigjet vëllezërve Neville: S’kam çfarë dëshmoj ndaj njerëzve që s’i njoh, atyre që s’e pëlqejnë Liverpoolin

1951
0
SHARE

Xherdan Shaqiri iu është përgjigjur kritikave të legjendave të Manchester Unitedit, Gary dhe Phil Neville, duke insistuar se ai nuk ka nevojë të dëshmojë asgjë pas transferimit të tij në Liverpool.

Gary Neville e kishte cilësuar shqiptarin si “jo profesionist”, ndërsa vëllai i tij, Phil Neville, e kishte quajtur atë “një turp”. Këto deklarata vëllezërit Neville i kishin bërë pasi klubi i Shaqirit, Stoke City, kishin rënë nga Premierliga vitin e kaluar, përcjell Gazeta Gjilani.

“Ata ishin lojtarë të Manchester Unitedit. Ndoshta atyre nuk u pëlqen Liverpooli. Disa njerëzve u pëlqen, disave jo. Nuk dua të komentoj deklaratat e personave që nuk i njoh”, është shprehur Shaqiri.

“Mendoj se tashmë kam luajtur për tri vite në Premierligë dhe e kam dëshmuar se mund të luaj aty. Unë mund të shënoj gola dhe të bëj asiste. E njoh këtë ligë mirë. Kam shumë përvojë. Isha golashënuesi më i mirë në Stoke City me gola dhe asistime, kështu që nuk kam pse të them më shumë”.

“Mendoj se të gjithë e dinë se isha lojtari më i mirë sezonin e kaluar. Ndërgjegjja ime është e pastër”.

Ish mesfushori i Bayern Munichit, Shaqiri, ka luajtur në Premierligë gjatë tri viteve të fundit për Stoke City. Pasi ata ranë nga Premierliga, Shaqiri u transferua në Liverpool për 15 milionë euro. Këtë transferim, trajneri i ri tij, Jurgen Klopp, e cilësoi si transferim për të cilin as nuk ke nevojë të mendosh. /Radio RINIA/

LEAVE A REPLY

Please enter your comment!
Please enter your name here