Në 24-orët e fundit në Kosovë kanë ndodhur 51 aksidente trafiku, 24 prej tyre me persona të lënduar, kurse në 27 tjerë raportohet vetëm për dëme materiale.
Në statistikat e përgjithshme të publikuar nga Policia e Kosovës bëhet e ditur se kanë shqiptuar edhe 1 mijë 360 tiketa trafiku, për shoferët të cilët nuk kanë respektuar rregullat e komunikacionit.
Gjithashtu gjatë ditës së djeshme janë arrestuar edhe 28 persona, 18 prej tyre janë dërguar në mbajtje kurse 1 në vuajtje të dënimit.
